الرئيسية / فنون / جدل على السوشيال ميديا بعد بوست «أنا المسيحية» لـ حنان سليمان.. والفنانة تكشف ديانتها الحقيقية

جدل على السوشيال ميديا بعد بوست «أنا المسيحية» لـ حنان سليمان.. والفنانة تكشف ديانتها الحقيقية

الفنانة المصرية القديرة حنان سليمان كتبت منشور عبر حسابها الخاص على موقع التواصل الاجتماعي، «فيسبوك»، بمناسبة حلول شهر رمضان، قالت فيه: «أيوة أنا المسيحية اللى مستنية رمضان بفارغ الصبر، أيوة أنا المسيحية اللى مستنية الزينة بتاعة رمضان، أيوة أنا المسيحية اللى مستنية الناس يتجمعوا علشان يفطروا، أيوة أنا المسيحية اللى مستنية المسلسلات بتاعت رمضان».

الممثلة الكبيرة تابعت في منشورها: «أيوة أنا المسيحية اللى بيفضل ولادها يسألوها رمضان إمتى، أيوة أنا المسيحية اللى شايفة إن مفيش حاجة اسمها مسيحى ومسلم غير كعبادة، أيوة أنا المسيحية اللى بتعشق صحابها المسلمين».

واستكملت: «أيوة أنا المسيحية اللى شايفة إن مفيش حاجة تنفع تفرق بينا، أيوة أنا المسيحية اللى دينى بيقولى كده ﻷن الله محبة، كل سنة وإحنا طيبين وبخير وصحة وسعادة ورمضان كريم علينا كلنا، أعاده الله علينا وعلى مصرنا الحبيبة بالخير واليمن والبركة».

بعد هذا المنشور سادت حالة من البلبلة لدى بعض متابعي الفنانة حنان سليمان، الذين اختلط عليهم الأمر ظنًا منهم أنها كتبت المنشور تعبيرًا عن ديانتها الحقيقية، فشكروها على هذه الروح الجميلة، بينما أوضحت الفنانة في نهاية المنشور أنها مسلمة ولكن أعجبها الكلام.

وانهالت التعليقات من الجمهور على منشورها متساءلين عن ديانتها الحقيقة، حيث علق أحد متابعيها قائلا: “أنا بحبك يا فنانة وأول مرة أعرف أنك مسيحية”.

بينما قال أخر: «أنا بعشقك كفنانة وأول مرة أعرف أنك مسيحية، عموما عشقتك أكتر كإنسانة جميلة وكل عام وأنتي بخير وسعادة وتحيا مصر 10 مرات»، لترد حنان سليمان حاسمة الأمر: «أنا مسلمة بس حبيت البوست».

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *