كشف مخرج الإعلانات مؤمن نور، مفاجأة من العيار الثقيل عن طالبة المنصورة نيرة أشرف التي راحت ضحية على يد زميلها أمام جامعة المنصورة، الاثنين الماضي، مما أثار حالة من الهلع والخوف لدى المواطنين.
«كانت هتبقى نجمة».. مخرج يفجر مفاجأة من العيار الثقيل عن طالبة المنصورة
شارك مؤمن، متابعيه منشور عن نيرة أشرف على حسابه الشخصي، عبر موقع تبادل التواصل الاجتماعي فيسبوك، ليكشف تفاصيل لأول مرة عن علاقته بالضحية.
حيث كتب: “الله يرحمها نيرة كانت هتبقي نجمة كبيرة وليها مستقبل وهحكيلكم كواليس .. كانت داخله معايا عمل فني وهتطلع بنت عايدة رياض وخدتها وروحنالها لقيت مدام عايدة بتقولي يخربيتك انت جايب واحدة نسخه مني”.
وأضاف قائلا: “وفعلا نسخه منها وهي صغيرة والكلام اللي بقوله ده تقدروا ترجعوا للاستاذة عايدة وتعرفوا منها ان البنت كانت فرحانه وعامله زي الطفله ومتحمسه جدا انها هتعمل حاجه تضيفلها”.
وتابع قائلا: “وانا وعدتها اني هخليها اهم حد ع السوشيال وهديها دفعة كبيرة للامام وهخلي قنوات وجرايد تتكلم عنها وتعمل معاها لقاءات.. وقولتلها انسي الجانب السئ في حياتك ومتركزيش مع حد انتي هتبقي ف حته تانيه خالص وهي كانت جميلة جدا وعندها كاريزما وقبول رهيب.. لكن للاسف الكلب ده كان دايما يبعتلها من اكونتات فيك وكانت بتوريني وكلمته مرة فون وهددته ومن ساعتها وهو بيتلاشاني عشان عرف انه غبي”.
وواصل قائلا: “طبعا انا بحكي الكلام ده لاني بقالي ٤ ايام مش قادر اخد قرار اني ابدا العمل ولا لا وحاسس ان في حد ماسكني من رقبتي وخانقني ومش طايق ابص ف ورق وخدت القرار بإني اغير كل حاجه حتي النجوم عشان كده ذكرتلكم القصه دي لاني مش هقدر اجيب واحدة تعوض مكان نيرة والشغف اللي عندي راح وقلبي اتكسر والله وتعبت وكل دقيقه بفتكرها ومش قادر تعبان جدًا”.
مقالات قد تهمك :
«صرفت عليها دم قلبي».. المتهم بواقعة طالبة المنصورة يفجر اعترافات مثيرة لأول مرة
«رفضوا».. محامي «نيرة» طالبة المنصورة يفجر مفاجأة من العيار الثقيل بشأن القضية