كشفت ابنة عم الطالبة نيرة أشرف، فتاة جامعة المنصورة، مفاجأة بشأن المتهم الذي أنهى حياة الضحية أمام أبواب الجامعة، في مداخلة هاتفية لبرنامج “من الجاني”، المذاع على قناة الحدث اليوم.
حيث قالت زينة، في مداخلة هاتفية لبرنامج “من الجاني”، المذاع على قناة الحدث اليوم: “اللي بيحصل على السوشيال ميديا تاعبنا كلنا، أي صور خارجة ليها بتأذيها، أرجوكوا كفاية، اذكروا محاسن موتاكوا، أمها منهارة جدًا بسبب اللي بيحصل على السوشيال ميديا”.
وأضافت: “نيرة حظها وحش وقع في البني آدم ده، عرفته معرفة سطحية عشان الأبحاث في فترة الكورونا، لكن الحب مش بالعافية، وهي تحتسب عند الله شهيدة، إحنا عايزينه يتعدم بس”.
وتابعت: “كان كلامها عادي، بتلبس وبتروح وبتيجي، معملتش في حسابها أن ده هيكون بجد، لأنه بقاله سنتين بيهوش، وبيهدد”.
وواصلت: “كان عايزها ليه لوحده، بيهددها في كل مكان، وبيعمل حاجات مش كويسه، هو أكيد مش مريض نفسي، من أول كورونا كان بيعملها أبحاث، ونظرات حب وإعجاب، بس هي لم ترتبط به وكانوا زمايل فقط”.
وأكدت: “مش مريض نفسي، واستحالة يكون كده، اللي بيخطط من رمضان أنه بيدبحها ويقتلها كده، مش مريض، نيرة كانت فاكره أنه بيهدد عادي، وهي قلبها جامد وكانت عايشه حياتها”.
مقالات أخرى قد تهمك:
«لما أموت أدفنوني في حضنها».. حقيقة أقوال المتهم بجريمة المنصورة المنتشرة بمواقع التواصل
«كانت هتبقى نجمة».. مخرج يفجر مفاجأة من العيار الثقيل عن طالبة المنصورة