مهندسة الديكور “ندى الكامل”، زوجة الفنان أحمد الفيشاوي، وجهت رسالة عنيـ ـفة الى النجم محمد رمضان وذلك عبر حسابها الرسمي على موقع التواصل الاجتماعي «فيسبوك»، وذلك بعد أزمته مع مصمم أزيائه “أشرف فجلة”.
القصة بدأت عندما أعلن مصمم الأزياء أشرف فجلة، أن له مستحقات مالية يدين بها “محمد رمضان” وذلك في فيديو بثه عبر حساباته على السوشيال ميديا، لتتناقله مواقع الأخبار.
أشرف فجلة يطالب محمد رمضان بمستحقاته
وقال “فجلة” أنه قبل عامين صمم للفنان نحو 3 بدل وبالطو و4 «صديري» ظهر ببعضها خلال كليب أغنية «مافيا» وأول حفلة له بالساحل الشمالي وحتى الآن لم يحصل على مستحقاته المالية.
ووجه لـ«رمضان» رسالة قائلا: «تواصلت مع مكتبك أكتر من مرة وبعت لمدير أعمالك تجاهلني.. أنا بعذر إنك مشغول لكن حبيت أوصل صوتي بشكل مباشر بأني مش عارف أتواصل معاك.. لو سمحت ليا حسبة صغيرة عندك ممكن تكون بسيطة بالنسبة ليك لكن رقم عندي وأنا محتاج كل جنيه».
زوجة الفيشاوي توجه رسالة لمحمد رمضان
وهو ما دفع ندى كامل زوجة الفيشاوي لتوجيه رسالة بطريقة غير مباشرة للفنان محمد رمضان قالت فيها: «ما تدفع يا نجم تمن الهدوم اللي خدتها، وخليت مدير أعمالك ميردش على الراجل الترزي سنتين ولما جه عندك عاملوه بطريقة بايخة، كنت أدفع أحسن من الفضيحة دي…أدفع تمن الـ4 سديري والـ3 بدل، وإلا هو كل شوية فالح بس تقولنا وغنيتهالنا كمان أن كل هدومك فيرساتشي فيرساتشي وأنت بتقلدهم ومخيط نص هدومك عند الترزية، وفاكرنا عبط ومنعرفش الأصلي من المضروب، وملناش دعوة».
وأضافت: «من فضلك يا نجم البس في صمت وادفع اللي عليك… ورجاء أخير يا ريت تنطق كلمة versace صح».
رسالة أخرى من ندى الكامل للفنان محمد رمضان
وفي منشور آخر وجهته لرمضان وقالت فيه: «يا نجم مش عيب أبدا إن الإنسان يكون غني ومعاه فلوس ومبسوط بيها طالما هو شقي وتعب فيها… بس العيب عليك دلوقت، مفيش دلوقت في العالم كله وبتكلم عن الناس اللي معاها فلوس حد ماشي زيك كده».
وأضافت زوجة الفيشاوي: «الناس الفنانين والرياضيين ونجوم المجتمع بيكون عندهم big team عشان يهيئ حياتك وتعرف بتعمل إيه بفلوسك، ومفيش حد دلوقت غير وهو عنده life coach بيعلمك ويعرفك تطلع تقول إيه وإزاي وأمتى ودي مش عيب أبدا، الحاجات دي اتعملت مخصوص للناس اللي زيك، اللي هما في مستوى عقلي واجتماعي ضعيف أو ناس أغنية جدا ولازم team يدير الفلوس دي ومعاها حد يعرفك بتعمل إيه».