استضافت الإعلامية لميس الحديدي، الشقيقات الثلاثة مي سليم ودانا وميس حمدان، في برنامج “كلمة أخيرة”، على قناة “ON”، وسألتهن لماذا لم يقررن الارتباط حتى الان؟.
ليه متزوجتيش انتي وأخواتك؟.. رد صادم من ميس ومي ودانا سليم
وأجابت الفنانة دانا حمدان، إنها من الصعب أن تحب.. محبتش، والناس بتسألني ليه مش بحب؟ وإجابتي إني مش بحب ولا حبيت فأنا إنسانة برجي الميزان الذي يحكم مواليده العقل أكثر من العواطف”.
وتابعت: “مفيش شخص قابلته وصلني لمرحلة الحب، ممكن يبقى فيه تعود وانبساط وكيمياء، لكنها كل حتة بتبقى لوحدها، لكن لم أقابل من يوصلني لحالة أن أقول له بحبك”.
وأضافت ميس حمدان، قائلة: “زي أي بنت حبيت ولبست في الحيط وحبيت مرتين، لكني مؤمنة إن ده الشيء الوحيد اللي مالوش تخطيط، وممكن اللي حبيتهم قبل كده ورجعوا دلوقتي مايبقوش ماشيين مع متطلباتي، لكن زي أي بنت مريت بتجارب حلوة ووحشة”.
وردًا على سؤال الإعلامية الحديدي: “هل أثرت عليهما تجربتا مي سليم؟”، أجابت كل من دانا وميس قائلتين: “مش في دماغنا نسيناهم”.
وعلقت مي سليم قائلة: “كل واحدة فينا دماغها صعبة ودماغنا عنيدة وبشكلها وبطباعها، وأمي تعبت معانا في حكاية “الزن” على الزواج، وإحنا كنا أربعة وأختي داليا تزوجت في دبي، لكن أمي تعبت معانا وفي الآخر رمت طوبتنا وقالت في الآخر: التلاتة دول يختاروا بمزاجهم.. زهقت”.