تداولت مجموعة من الصور للفنانة نهال عنبر في زفافها وصور أخرى مختلفة لها مع ابنها حسام عبر مواقع التواصل الاجتماعي، لتصدرها التريند الساعات الماضية، بعد حلوله معها في برنامج رامز نيفر إند.
كانت قد قالت الفنانة نهال عنبر، خلال لقائها ببرنامج «واحد من الناس» الذي يذاع على شاشة «الحياة» ويقدمه الإعلامي عمرو الليثي، إنها كانت حريصة على زواج ابنها المخرج حسام الحسيني، وهو في عُمر الـ 22 عامًا.
وتابعت: «أنا هتجنن على العزوة.. وأهلى اعترضوا بسبب زواجه وهو في سن صغير، ولكن اصريت على زواجه، وشخصيًا أنا تزوجت وعمري 18 عام، وهذا جعل هناك علاقة أمومة وصداقة بينى وبين حسام، لأن الفرق بينى وبينه مش كبير، وأنا كنت الأب والأم لحسام لأن والده كان على طول الوقت يسافر لظروف عمله، وأنا كنت حنينه جدا وشديدة في نفس الوقت لكن مش قاسية».
واستطردت الفنانة نهال عنبر: «خاصمت ابني حسام 60 يوما بسبب رده على في الكلام، كان عاوز يروح ديسكو، وهو في سن شباب، وأنا كنت بخاف من الحاجات دى فقلت له مش هتروح ولو عاوز تروح هروح معاك، فقال لى ازاى أنا كبرت، قولت له مش هتروح فقال لى حرام عليكى بقى، فشاهدنى وأنا بوطى أمسك «سبت الزبالة علشان احدفه فجرى منى، فقلت له أمامك شهرين لا أنا أمك ولا تعرفنى، وأحفادى طالعين شخصيتهم قوية مثلى، وأنا أخدت ده من والدتي لأنها كانت من أصول شركسية، وكل حاجة عندها لها قواعد وبنظام».
